AAPL
149.64 $
4.08 %
TSLA
759.63 $
7.33 %
NDAQ
155.64 $
3.12 %
GOOGL
2246.33 $
4.2 %
FRHC
42.55 $
3.15 %
AAPL
149.64 $
4.08 %
TSLA
759.63 $
7.33 %
NDAQ
155.64 $
3.12 %
GOOGL
2246.33 $
4.2 %
FRHC
42.55 $
3.15 %
Соңғы жаңалықтар
Соңғы жаңалықтар

Қазақстанда автомобиль шиналарының бағасы өсті

Қазақстанда автомобиль шиналарының құны өсті. Бұл пікірді көптеген сарапшылар айтып жүр. Автоәуесқойлар бағаның күрт көтерілуін байқаған. Нәтижесінде жаңа "резеңке" жиынтығы көптеген адамдар үшін қол жетімсіз болып тұр. Кейбір автомобиль жөндеу орындарында "ескі шиналарды жөндеу" деген жазулар пайда болды, деп хабарлайды Stan.kz ақпарат агенттігі Хабар 24 арнасына сілтеме жасап. 

Шиналарды жөндеу – жақын күндері Петропавл шиномонтажындағы ең танымал қызметтердің бірі болған. Шебер жұмысының сапасына кепілдік береді. Мұндай жаңартудан кейін тозған шина жап-жаңа болып шыға келетін көрінеді. 

“Шиналардағы барлық зат тазаланады. Содан кейін барлық тесіктер ауамен үрленіп, бітеледі. Дөңгелекке қойылатын бүртабандар ұлғайтылған мөлшерде жүреді”, – дейді жеке кәсіпкер Евгений Жұматаев. 

Мұндай қызметті жүргізушілер, әрине, жақсы болғандықтан пайдаланбайды. Бұның бәрі ай сайын өсіп келе жатқан жаңа шиналардың бағасына байланысты болып отыр. 

“Барлығы қымбаттап кетті. Қыс келе жатқандықтан қауіпсіздік үшін шиналарды ауыстыру керекпіз. Бір дөңгелектің құны 35 мың теңге болып тұр. Алдыңғы жылы 25 мың теңгеге сатып алғанбыз”, – дейді жүргізуші Ербол Зикирин. 

Бүгінгі таңда автомобиль шиналары бағаларының өсуін сарапшылар да айтып отыр. Олардың бағалауы бойынша, шиналардың құны соңғы уақытта үштен бірге өскен. Мұның бірнеше себептері бар. Негізгілері: пандемияға байланысты шекаралардың жабық болуы, сондай-ақ резеңке өндірісінің төмендеуі. Соның салдарынан шиналар қымбаттауда. 

“Шина материалдарының әлемдік өндірісі Таиланд, Индонезия, Малайзияда шоғырланған. Бұл коронавирустан зардап шеккен елдер. Онда бизнес қатты нокдаунды бастан өткерді. Ұзақ уақыт бойы резеңке өндірумен айналысатын кәсіпорындар жабық болды”, – дейді "ҚазАвтоПром" одағы басқарма төрағасының орынбасары Артур Мискарян. 

Шина өндіретін жеке кәсіпорындар бағаның өсуін кем дегенде ішінара тоқтата алар еді. Алайда Қазақстанда ондай жоқ. Шина зауыты қазір Қарағанды облысында салынуда. Хабарламада айтылғандай, онда жылына 3,5 млн тонна шина өндірілетін болады. 

“Қазіргі уақытта біз монолитті грильдерді орнату жұмыстарын жүргізіп жатырмыз. Бағандарды орнатуға кірістік. Жұмыстар бас өндірістік кешеннің барлық аумағында жүргізіледі. 45 бірлік техника жұмылдырылды”, – дейді жоба жетекшісінің орынбасары Вячеслав Ким. 

Сонымен қатар сарапшылар жақын арада Қазақстанда шиналардың бағасы көтеріле береді деп болжап отыр.

Талқылау
Пікір
Қазір оқып жатыр
Қазір оқып жатыр