"Метрология мен ветеринария қызметкерлерінің күні": Қазақстан күнтізбесіне 8 жаңа кәсіби мереке енгізілмек
Күнтізбедегі кәсіби мерекелер саны 63-ке артты. Енді мал дәрігерлері мен аңшылық шаруашылығы қызметкерлерінің күні бекітілмек. Бұл туралы Stan.kz ақпарат агенттігі “КТК” арнасына сілтеме жасап хабарлайды.
Фото: pixabay.com
Еңбек және халықты әлеуметтік қорғау министрлігі Қазақстандағы кәсіби мерекелер тізімін толықтыруды жоспарлап отыр.
- 7 сәуір – Мемлекеттік қызмет көрсету саласындағы қызметкерлер күні;
- 16 сәуір – Тұрғын үй-коммуналдық шаруашылығы саласының қызметкерлері күні;
- 20 мамыр – Метрология қызметкерлерінің күні;
- 10 шілде – Ветеринариялық қызметкер күні;
- Қыркүйектің бірінші сенбісі – Аңшылық шаруашылығы қызметкерінің күні;
- 1 қазан – Жоғары білім қызметкерлері күні;
- 14 қазан – Стандарттау қызметкерлерінің күні;
- 18 қараша – Сыбайлас жемқорлыққа қарсы қызмет органдарының күні.
Бұған дейін елімізде алғаш рет Азаматтық авиация күні атап өтілген еді.
Талқылау