"Мені жабылып зорламақ болды": Сарбаз әскерде не себепті 8 адамды өлтіргенін түсіндірді

Забайкальеде сегіз әріптесіне оқ атқан қатардағы жауынгер бұл әрекетін түсіндірді.

Қатардағы орыс әскері Рамиль Шамсутдинов Забайкальеде № 54160 әскери бөлімінде сегіз әріптесіне неліктен оқ атқанын түсіндірді. Ресейлік сарбаздың айтуынша, оның әрекетіне қоқан-лоқы әрекеттер себеп болған.

"Мен барғаннан кейін бірден қоқан-лоқы басталды. Телефоным ұрланды, дәлірек айтсам, телефонымды алып кетті. Мен туыстарыма алаңдамасын деп айтпадым. Мен SIM-картаны жасырып қойдым, кейде отбасыммен сөйлесу үшін басқа адамдардың телефонына ауыстырып салып жүрдім. Олар ақшамды да алып кетті. Кімге шағымдану керек? Бұл күлкілі. Мұны айтатын ешкім болған жоқ, егер офицерлердің өздері мені ұрса, кімге айтуым керек? Мен қашып кетуді ойладым, бірақ бәрі жабық болды. Мен не істеуім керек еді?"- Шамсутдинов.

Айтуынша, қайғылы оқиға болған күні олар сарбазды зорламақшы болған.

«Олар маған зорлаймыз деп ескертті. Сол күні лейтенант маған күзет тексерісінен кейін бәрі болатынын айтты. Барлық қалған жасақтарды менің алдымда шығарып жүрді, мен оны білемін. Бұл күні енді менің кезегім келген еді.  Менің баратын жерім болмады, мен не істеуім керек едім? Олар мені қатты ұрды, мен шынымды айтсам өлемін деп ойладым», - деп еске алады Рамиль Шамсутдинов.

Ол өкінетін жалғыз нәрсе «ол кездейсоқ екі жігітті жарақаттағанын айтады.

«Ал басқаларын жаралағаным үшін өкініш жоқ», - деді. 

Өз кезегінде Ресей Федерациясының Қорғаныс министрлігі сегіз адамды өлтірді деп айыпталған Рамиль Шамсутдинов өзінің әрекетін зорлық-зомбылық қаупі деп түсіндірді.

Еске салайық, Шамсутдинов 25 қазанда Забайкальедегі № 54160 әскери бөлімінде әріптестер мен офицерлерге оқ жаудырды. Сегіз адам қайтыс болды, екі адам жарақат алды.

Қорғаныс министрлігі бұл оқиғаны әскерге шақырылушының қызметке қатысы жоқ жеке себептермен, жүйке ауруы салдарынан деп түсіндірді.

Рамиль Шамсутдиновтың әкесінің айтуынша, ол ұлында ешқандай психикалық ауытқушылықты байқамаған.

"Ұлым "мені осындай қылмысқа өздері жеткізді" деп отыр", - деді Шамсутдиновтың әкесі.

Қорғаныс министрі Сергей Шойгу жедел тергеуден кейін жабық отырыс өткізді, онда ол командирлердің жеке құраммен жұмысын сынға алды және тек келісімшарт бойынша әскери қызметшілерді ұзақмерзімді қызметке жіберіп, шақырылушылардың психикасына терең диагноз қоюды бұйырды.

Төтенше жағдай фактісі бойынша қылмыстық іс қозғалды, тергеу жалғасуда.