"Мен ойындағыны айтып, қалағанын істеуге рұқсат беремін": Назарбаев балаларына нұсқау беру туралы айтты

Нұрсұлтан Назарбаев балаларына бағыт бергенімен, таңдауларына қарсы шығып көрмегенін айтты, деп хабарлайды Stan.kz ақпарат агенттігі “Штрихи к портрету” бағдарламасына сілтеме жасап.

Елбасы балаларына таңдау жасауға келген кезде ерік беретінін айтты. Ол балалары өзіне қарсы ой, пікір білдіре алатынын да жеткізді.

“Негізі балаларға өздеріне таңдау жасауға мүмкіндік беру қажет. Көп ата-аналар балаларының өз жолымен жүргенін қалайды. Балалар ата-аналардың сөзіне емес, әрекетіне қарап өседі. Сондықтан мен кеңес бермедім. Дариға тарих факультетін таңдады, сол жерде оқыды. Барлығы да сондай. Бірақ мен өскен кезде медицина, биология, инернет, жаңа технология, ғылым деп жалпылама бағыт беремін. Олар өздері таңдайды. Барлығы мені тыңдайды. Бірақ балаларға менімен сөз таластыруға, өз пікірін айтуға мүмкіндік беремін. “Біз пікір білдіруге құқымыз бар ма” деп сұрайды. Мен ойындағыны айтып, қалағанын істеуге рұқсат етемін”, – дейді Нұрсұлтан Назарбаев.