Мектеп оқушыларына вакцинацияға келісім беруге қол қоюға мәжбүрлеп жатыр деген ақпарат тарады

Мектеп оқушыларын алдап, вакцинацияға келісім беруге қол қойдырып жатыр деген ақпарат желіде тарады. Аталған мәліметті Білім және ғылым министрлігі түсіндірді, деп хабарлайды Stan.kz ақпарат агенттігі. 

Ведомствода атап өткендей, қауіпсіздік техникасы ережелерімен танысқанын растайтын қолтаңбаны оқушылар жеке бланкіге емес, арнайы журналға қояды.

Сонымен қатар нұсқаманы түсіндіру оқушылардың құқықтарын бұзуға жатпайды.

“Әрбір нұсқама кезінде журналды толтыру міндетті. Бұл ретте журналдағы жазбаларда нұсқаушы мен білім алушылар туралы ақпарат, нұсқаманы өткізу күні мен тақырыбы және нұсқаушының, оқушылардың қолымен болуы тиіс. Журналдағы ақпарат құқықты бұзбайды, өйткені оқушының қолы оның әртүрлі жағдайларда қауіпсіз мінез-құлық шараларымен таныс екенін растайды", – деп түсіндірді Stopfake.kz.

Сонымен қатар журнал медициналық процедураларды жүргізуге ақпараттандырылған келісім формасынан ерекшеленеді.