Меккеде үлкен қажылық кезінде алты адам аптап ыстықтан қаза тапты
Меккеде үлкен қажылық кезінде алты адам қатты ыстықтан қаза тапты. Сауд Арабиясының шенеуніктері биыл температураның +48°-қа жетуі мүмкін екенін ескерткен. Бұл туралы Stan.kz ақпарат агенттігі CNN порталына сілтеме жасап хабарлайды.
Қаза тапқандардың алтауы да Иордания азаматтары болып шықты. Иордания Сыртқы істер министрлігі Джиддадағы азаматтардың жерлеу рәсімін және денесін елге қайтаруды Сауд Арабиясы билігімен келісетінін жеткізді.
Оқиға 15 маусым күні Арафат тауының басында болған. Қаза тапқандардың бірінің жиені CNN-ге берген сұхбатында әпкесінің Арафат тауында көз жұмып, Сауд Арабиясында жерленгенін айтқан.
Сауд Арабиясының Бас статистикалық басқармасының мәліметі бойынша, биыл үлкен қажылыққа 1,8 миллионнан астам адам қатысқан.
Үлкен қажылық – әлемдегі ең үлкен діни жиындардың бірі. Ол жылына бір рет Рамазан айы аяқталғаннан кейін екі ай және 10 күн өткен соң, Зул-хижа айында жасалады.
"Бір бие, бір жабағыдан бастадық": 40 жылдан бері жылқы баптап жүрген отбасы қымызмұрындықтың мәнін түсіндірді
Қастерлі Жолдыбалина бала күніндегі қымызмұрындықтың қазіргі мерекеден өзгеше болғанын айтады
"Халыққа құрметсіздік танытты": Танымал қазақстандық бренд "Борат" образын қолданғаны үшін сынға қалды
"Борат" Қазақстан қоғамы үшін бұрыннан даулы әрі сезімтал тақырып