Мас болған: Алматыда көпірден секіріп кеткен ер азаматтың жағдайы белгілі болды
Алматыда көпірден секіріп кеткен ер адамның жайы белгілі болды, деп хабарлайды Stan.kz ақпарат агенттігі.
Ер адамның жай-күйі жайлы қалалық қоғамдық денсаулық сақтау басқармасы мәлімдеді.
Ресми деректерге сүйенсек, 41 жастағы тұрғын көпірден секірер кезде мас болған.
"Оған "бассүйек-миының жабық жарақаты, миының шайқалуы, оң жақ жіліншігінің жабық сынығы" диагноздары қойылды. Қазір оның жағдайы "орташа ауыр" деп бағаланып отыр. Құлаған биіктігі шамамен 4-5 метрге жуық", - делінген ресми хабарламада.
Айта кетейік, кеше Алматыда ер адам жол үстіндегі көпірден секіріп кеткені жайлы айтылған еді.
Талқылау