Маржан Арапбаева Шымкент қаласын шексіз сүйетінін айтты (видео)
Әнші Маржан Арапбаева туған қаласында қонақта болып, сағынышын басты. Мұнымен қатар, аталған аймақта тұрмыстық жағдайы төмен балаларға арнап мастер-класс өткізбек.
Фото: instagram.com/arapbayevamarzhan/
Бұл туралы “Отырар” басылымы хабарлайды.
Елімізге танымал әнші Маржан Арапбаева дәл қазір Шымкент қаласында жүр. Ол аталған аймаққа “Бала дауысы” байқауының шеңберінде келген. Әнші ұлттық бағдарламаға қатысуға лайық деген бүлдіршіндерді жинамақ.
“Мен жүрегіме жақын Шымкент қалама оны қатты жақсы көретінімді айтқым келеді. Сендігінің барлығын жақсы көремін. Әрдайым осындай сұлу қала болып қала бер. Ғұмырың ұзақ болсын. Ең бастысы, Шымкентте ғаламшарымыздың ең ақылды, талантты перзенттері дүниеге келсін”, – деп Арапбаева туған өлкесіне деген сағынышын жеткізді.
Маржанның өзі Шымкенттің тумасы болса да, туған қаласына көп келе бермейтінін айтады. Осыған орай, аталған аймақты бірнеше күн аралап, әлеуметтік-тұрмыстық жағдайы төмен отбасында тәрбиеленіп жатқан балаларға арнап мастер-класс өткізбек. Артынша бейнебаян түсіріп, жаңа әндер жазуға кіріспек.
Оқи отырыңыз:
Арапбаева қалай арықтайтынын көрсетемін деп жұртты шошытты
Маржан Арапбаева әлеуметтік желіде бояусыз суретін жариялады және ол үшін еш ұялмайтынын айтты