Маман көктемде шаштың не себепті түсетінін айтып берді

Дәрігер-трихолог Ольга Симонова көктемде шаш түсуінің себебін айтты. Сөзінше, бұл авитаминоз бен пайдалы микроэлементтердің жетіспеуінен болады екен, деп хабарлайды Stan.kz ақпарат агенттігі "Вечерняя Москва" басылымына сілтеме жасап. 

Дәрігер шаштың түсуіне температураның өзгеруі де себеп болатынын айтады. Ауа райы өзгергендіктен жіңішке тамырлар тарылып, шашқа витаминдер жетпейді. 

Сонымен қатар бұл кезде стресс күшейе түседі. 

"Әйелдер мен ерлерде шаш түсу себебі ұқсас. Алайда әйелдер бұл мәселеге баса мән беріп, мұның себептерін анықтауға тырысады. Шашты біз жастықта және жуынатын бөлмеде жиі байқаймыз. Ал ерлер мәселеге тек шаш өте көп түскенде ғана мән береді", – деп түсіндірді маман. 

Трихолог мәселенің себептерін анықтап, емдеу үшін дәрігерге қаралу керегін айтады. Осылайша шашты тез қалпына келтіріп, қаржыңызды да үнемдей аласыз.