Лаңкестік жасауға шақырған: Шымкентте терроризмді насихаттаған ер адам ұсталды
Шымкентте терроризмді ашық насихаттап жүрген азамат ұсталды. Бұл туралы Stan.kz ақпарат агенттігі КТК телеарнасына сілтене жасап хабарлайды.
Ер адам жұртты лаңкестік жасауға шақырып үгіттеген. Ұлттық қауіпсіздік комитетінің арнайы жасағы оны көшеде қолға түсірді.
Күдікті Шымкент қаласының тұрғыны, ұзақ уақыт шетелде білім алған. Сол жақта жүріп жат ағымның жетегінде кеткен. Өзінің ғана санасы уланып қоймай, елге келген соң әлеуметтік желі арқылы уағыз айтып, лаңкестікті ашық насихаттапты. Қоғамға қауіп тудырған азаматты арнайы жасақ ұстап, қамауға алды. Қазір оның үстінен қылмыстық іс қозғалып, тергеу жүргізіліп жатыр.
Еске салсақ, бұған дейін Атырау облысында бұрын лаңкестік әрекет ісі бойынша сотталған 17 жастағы діни радикал ұсталғаны туралы жазған едік.
"Жалаңаштанып айға қарап, рәсім жасайды": Батыс Қазақстандағы бір ауылдың тағдырын жат ағым қалай өзгертті?
Мадхалиттердің 4-5 жыл бұрын депутаттық корпусқа үміткер болуға талпынғандары да болды
"Саябақтарда қонып жүрмін": 21 жастағы қазақстандық балалар үйінің түлегі дала қалды
Жетім балалар неге кәмелетке толған соң көше кезіп қалады?