Құтқарушылар пиротехниканың қаупін іс жүзінде көрсетіп берді
Шығыс Қазақстан облысының төтенше жағдайлар департаменті пиротехниканың қаншалықты қауіпті екенін көрсетті. Бұл туралы Stan.kz ақпарат агенттігі хабарлайды.
Видеодан скриншот
Видеода құтқарушы пиротехникалық бұйымдарды жағып, контейнермен жапқан. Әр фейерверктің қуаты контейнердің қаншалықты қашықтыққа ұшып кеткенінен көрінеді.
"Петардалардың негізін жанғыш заттар мен тотықтырғыштардан тұратын жарылғыш қоспалар құрайды. "Бомбочка" деп аталатын бұйымдардың өлшемі шағын болғанымен, олар өте қауіпті және жарақат әкелуі мүмкін", – деп түсіндірді ШҚО ТЖД мамандары.
Құтқарушылар пиротехниканы қолдану кезінде келесі қауіпсіздік ережелерін сақтауды ұсынады:
- Нұсқаулықты оқып шығыңыз;
- Ешқашан пиротехниканы балаларға сатуға немесе оларға қолдануға бермеңіз;
- Фейерверктң іске қосатын орынды дұрыс таңдаңыз. Бұл үлкен ашық алаң болуы керек, 50 метр радиуста ғимараттар, автотұрақтар және басқа өрт қаупі бар нысандар болмауы тиіс;
- Фейерверктерді ғимарат ішінде және жабық бөлмеде қолдануға болмайды;
- Күшті жел кезінде фейерверкті қолданбаңыз;
- Петардаларды адамдарға, жануарларға және автокөліктерге лақтыруға қатаң тыйым салынады;
- Білтеге от бергенде, отшашудың үстіне еңкеюге болмайды;
- Отшашу аяқталғаннан кейін оны сумен сөндіріңіз.
Шетелге ұшқан қазақстандықтың багажынан құны 3 миллион теңгеден асатын зергерлік бұйымы ұрланған: Мұндай жағдайда тап болмас үшін не істеу керек
Жолаушы: "Чемоданды ақтарғандары сонша ішінде біреудің жапсырмалы тырнағы түсіп қалған"
Қазақстанда ресейліктер, белорустар және қырғызстандықтар үшін азаматтық алудың жеңілдетілген тәртібі тоқтатылды
Жеңілдетілген тәртіппен қабылдау 2026 жылғы 10 сәуірден бастап тоқтатылған