"Субсидияға бөлінген 110 млн теңгені құмар ойынға жұмсаған": Жетісу облысында ЖШС басшысы мемлекет қаржысын жымқырды деген күдікке ілінді
Фото: pixabay.com
Қаржы мониторингі агенттігі Жетісу облысында субсидия жымқыру фактісі бойынша тергеу жүргізіліп жатқанын мәлімдеді. Күдікті – ЖШС-нің басшысы екі жыл бойы жалған құжаттар пайдаланып, мемлекет тарапынан сүт өнімдерін қайта өңдеуге бөлінген субсидияларды заңсыз түрде алып отырған. Бұл туралы Stan.kz ақпарат агенттігі хабарлайды.
Агенттік мәліметінше, келтірілген жалпы залал 300 млн теңгеден асқан.
"Шығындарды растау үшін басқармаға жеке кәсіпкерлерден шикі сүт сатып алу жөніндегі өзара есеп айырысулар туралы жалған құжаттар мен май өндіру бойынша жалған мәліметтер ұсынылған. Сонымен қатар заңсыз алынған 110 млн теңге мөлшеріндегі субсидия күдікті тарапынан құмар ойындарға жұмсалған", – делінген Қаржы мониторингі таратқан хабарламада.
Сот санкциясымен құны 300 млн астам теңге болатын зауытқа тыйым салынды.
Күдіктіге қатысты үй қамаққа алу түріндегі бұлтартпау шарасы қолданылды. Қазір осы дерек бойынша тергеу жүріп жатыр.
Талқылау
"Үш сағат істейтінді бізде он минутта бітіреді": Германиядағы қазақ дәрігері сүндеттеу ісінде Қазақстан қалай алға кеткенін айтып берді
Отандасымыз жат жерде жүрсе де қазақ елінің дәстүрі мен құндылықтарын күнделікті өмірде сақтауға тырысып жүргенін жеткізді
“Сыйлықтар сыйлап, кемінде бір пәтер алғызатын адам”: Неліктен қазақстандық бойжеткендер тоқал болуға келіседі
Психолог: "Оны көбіне "махаббат" деп түсіндіріп ақталып жатады”