Коронавируспен ауырған ер адам карантиндік кешенде асылып қалды
Өзбекстанда коронавируспен ауырғандарға арналған карантиндік кешенде ер адам асылып қалды, деп хабарлайды Stan.kz ақпарат агенттігі республиканың Бас прокуратурасының баспасөз қызметіне сілтеме жасап.
Атап айтсақ, Ташкент облысында 20 маусым күні «Уртасарой» карантиндік кешенінде 1978 жылы туған, Ферғана облысының тумасы кондиционердің сыртқы қанатына асылып қалған күйінде табылды.
Қадағалаушы органның мәліметінше, ол 15 маусымда Мәскеуден чартерлік рейспен Ташкентке ұшып келіп, карантиндік кешеніне үш адам болып орналастырылған. Келген кезде одан COVID-19 анализі үшін сынама жасалды, бірақ ол тест нәтижелерін білмей кетті.
Сонымен бірге, департамент марқұмның коронавируспен ауырғандықтан басқалармен бірге болудан бас тартқанын, содан кейін оны бөлек бөлмеге жатқызғанын айтты.
Карантин орталығы аумағында жұмыс істеген Алмазар ауданының көпсалалы емханасының дәрігерінің айтуынша, қайтыс болған науқас орналастырылған сәттен бастап агрессивті әрекет етті, тамақтанудан бас тартты, вирусы бар екенін және онымен бірге тұрған басқаларға жұқтыру қаупі бар екенін мәлімдеген. Алайда кейіннен оның коронавирусқа жасалған анализінің нәтижесі теріс нәтиже беретіні белгілі болды.