Конор Макгрегор 2026 жылы қайта октагонға оралады
Фото: Getty Images
UFC жұлдызы Конор Макгрегор антидопинг ережесін бұзғаны үшін 18 айға дисквалификация алды. Бұл туралы Stan.kz ақпарат агенттігі хабарлайды.
Ирландиялық спортшы 2024 жылдың 13 маусымында, сондай-ақ 19 және 20 қыркүйегінде өзінің нақты орналасқан жері туралы мәліметті уақытында бермеген. Осы себепті антидопинг агенттігі Макгрегорды жарыстардан шеттету туралы шешім қабылдады.
Шеттету мерзімі 2024 жылдың 20 қыркүйегінен басталып, 2026 жылдың 20 наурызында аяқталады. Бастапқыда жаза 24 айға есептелген еді, алайда Макгрегордың тергеуге белсенді түрде атсалысуына байланысты мерзім қысқартылды.
Айта кетсек, Макгрегор соңғы рет октагонға 2021 жылдың шілдесінде шығып, Дастин Порьеден жеңілген болатын. Ол келесі жекпе-жегін 2026 жылдың маусымында АҚШ-та өтетін UFC турнирінде Майкл Чендлерге қарсы өткізуді жоспарлап отыр.
"Қазақстандық өнімді сөреге қойғызбайды": Ақтаудан Алматыға бизнесін дамытуға келген кәсіпкер өндірісін жабуды ойлап жүр
Сөзінше, отандық өнімді қолдамай, оның тауарларына арналған сөре берілмейді.
1 миллион 200 мың теңге: Қазақстанның қай өңірінде мұғалімдер көп жалақы алады
Алматы облысында бір мұғалімнің айлық жалақысы 1 миллион 228 мың теңгеге жеткен