Көлікті мас күйде айдағаны үшін сотталған шенеунік Ақтау әкімінің орынбасары болды
Ақтау қаласы әкімінің орынбасары болып Әсет Шопанов тағайындалды. Бұл туралы Stan.kz ақпарат агенттігі хабарлайды.
Фото: instagram.com/aktau_akimdigi
Қала әкімдігі әлеуметтік желідегі парақшасында Әсет Шопановтың орынбасар болғанын жариялады.
Бұған дейін Әсет Шопанов көлікті мас күйінде басқарғаны үшін сотталған еді. Ол 15 тәулікке қамауға алынып, жеті жылға жүргізуші куәлігінен айырылып, оған қатаң сөгіс жарияланды.
Ол кезде Шопанов Маңғыстау облысының жұмыспен қамтуды үйлестіру және әлеуметтік бағдарламалар басқармасының басшысы еді.
Жыл басында Маңғыстау облысы әкімінің орынбасары болып Тілек Қошмағанбетов тағайындалды. 2022 жылы шенеунік күзетшіні соққыға жыққан жанжалды видеодан кейін қызметінен кеткен.
"Scopus-қа мақала шығару үшін 1,5 миллион теңге сұрайды": Қазақстандық ғалымдар докторантурадағы талаптарға наразы
Ресми деректерге сүйенсек, қазір Қазақстан бойынша докторантурада 7 600-ден 9 500-ге дейін докторант білім алуда
"Денесінде бұған басшылық кінәлі деген жазуы бар": Түрмеден шығуына 20 күн қалған қазақстандық ер адам қаза тапты
Оны бостандыққа шығуына санаулы күндер қалған болатын