Қазақстанның төтенше жағдайлар министрлігі 1,3 миллиард теңгеге бір көлік сатып алмақ

Қазақстанның төтенше жағдайлар министрлігі құны 1,3 миллиард теңгеден асатын көлік сатып алмақ. Бұл туралы Stan.kz ақпарат агенттігі хабарлайды. 

Фото: Agz.edu.kz

Мемлекеттік сатып алу порталында жарияланған техникалық сипаттамада тапсырыс беруші "Төтенше жағдайлар министрлігі Алматы қаласының Төтенше жағдайлар департаменті" мемлекеттік мекемесі екені көрсетілген. Сондай-ақ сатып алынатын тауар атауы “автокөлік, қосымша функция – вагондық топсалы көтергіш (90 м), бағасы – 1 миллиард 339 миллион 285 мың 714, 28 теңге, бір дана” деп көрсетілген. 

• Шенеуніктер мемлекеттік сатып алу сайтына тендерді жеңіп алу нұсқаулығын жариялап жіберген – Іс бойынша тергеу басталды

• Алматыда мемлекеттік сатып алу жүйесінен 300 миллион теңгеден астам жемқорлық әрекеті анықталды

Конкурсқа қатысуға өтінімдерді алдын ала қабылдау 26 шілдеде басталып, 12 тамызда аяқталады.

Айта кетейік, бұған дейін Тоқаев мемлекеттік сатып алу туралы жаңа заңға қол қойған еді. Заң президенттің 2022 жылғы 1 қыркүйектегі "Әділетті мемлекет. Біртұтас ұлт. Берекелі қоғам" атты Қазақстан халқына жолдауын жүзеге асыру мақсатында қабылданған.