Қазақстанның премьер-министрі қалай тағайындалады
Президенттің баспасөз хатшысы Берік Уәли Қазақстанда жаңа премьер-министрдің қалай тағайындалатынын айтты. Бұл туралы Stan.kz ақпарат агенттігі хабарлайды.
Фото: primeminister.kz
"Конституциямызға сәйкес, “Аманат” саяси партиясы премьер -министрдің кандидатурасын ұсынады. Президент Қасым-Жомарт Тоқаев партия ұсынған кандидатураны мақұлдап, парламент мәжілісінің қарауына енгізеді. Егер мәжіліс келісімін берсе, президент бұл қызметке жаңа премьер-министрді тағайындайды", – деді Берік Уәли.
Артынша Қазақстан Республикасы үкіметі қайта құрылады.
"Бұған дейін хабарлағанымыздай, 7 ақпанда мемлекет басшысы Қасым-Жомарт Тоқаевтың төрағалығымен үкіметтің кеңейтілген отырысы өтеді", – деді ол.
Мемлекет басшысы Қасым-Жомарт Тоқаев ел үкіметін отставкаға жіберу туралы қаулыға қол қойды.
Талқылау