Қазақстанда эрекцияға арналған үндістандық препаратты қолдануға тыйым салынды

Фото: pixabay.com

Денсаулық сақтау министрлігі Қазақстанда үндістандық препаратты қолдануға тыйым салды. Бұл туралы Stan.kz ақпарат агенттігі хабарлайды.

Денсаулық сақтау министрлігінің Медициналық және фармацевтикалық бақылау комитетінің төрағасы "Десилмакс" дәрісін қолдануға тыйым салып, оны сатылымнан алып тастау туралы бұйрыққа қол қойды.

Құжат 2026 жылдың шілдесіне дейін жарамды "BSE92301A" сериялы таблеткаларға қатысты. Дәрілік заттың өндірушісі – Үндістанның Macleods Pharmaceuticals Limited компаниясы.

• Қызылорда облысында онкологиялық бөлімшесі бар үлкен аурухана салынып жатыр

• Елімізде қызылшаға қарсы екпе алмаған балалар ауруханаға жатқызылмайды

Тыйым салуға 2026 жылғы 6 ақпандағы Дәрілік заттар мен медициналық бұйымдарды сараптау ұлттық орталығының хаты және 2025 жылғы 3 ақпандағы сынақ хаттамасы негіз болды.

Бұйрық қол қойылған күннен бастап күшіне енеді.