Нөмірді электронды үкімет порталынан алады: Қазақстанда азаматтарға SIM-карта сатуға шектеу енгізілмек
Цифрлық даму, инновациялар және аэроғарыш өнеркәсібі вице-министрі Асхат Оразбеков елдегі интернет-алаяқтықпен күрес жоспарын бөлісті. Оның сөзінше, алдағы уақытта елімізде жеке тұлғаға тіркеуге болатын нөмір санын шектеу көзделген. Бұл туралы Stan.kz ақпарат агенттігі хабарлайды.
Фото: pixabay.com
Вице-министрдің сөзінше, алаяқтар қазақстандықтарды құрығына түсіру үшін WhatsApp мессенджерін қолданады.
“Біз заң аясында нөмір жоспарын мемлекетке қайтаруды ұсынамыз. Қазір операторлар қолданушыға нөмір мен SIM-картаны өздері береді. Біз нөмір жоспарын мемлекетке қайтарсақ, азаматтар абоненттік немесе қалалық нөмірді электронды үкімет порталынан немесе eGov mobile мобильді қосымшасы арқылы алады. Сонымен қатар жеке тұлғаға берілетін нөмір санын шектемекпіз”, – деді Асхат Оразбеков.
Жұмыс бабымен сим-картаны қолданатын заңды тұлғалар әр нөмірді не үшін сатып алатынын нақтылауы керек. Алдағы уақытта осындай заң жобасын цифрлық даму министрлігі талқыға шығармақ.
Рейхстагқа ту тіккен Рахымжан Қошқарбаев па, әлде тарихи шындық бұрмаланды ма?
“Ақиқат бәрін жеңеді, бірақ 50 жыл кешігіп жүреді" дейді тарихшы Болат Сайлан
"Жалаң қылышпен танктерге қарсы соғысқан": Екінші дүниежүзілік соғыс кезінде жойылып кеткен 106-ншы атты әскери дивизия туралы не білеміз
Дивизия құрамына алынатын жауынгерлерге "оқып-жаза алуы керек және орыс тілін білуі керек" деген талап қойылды