Қазақстан паралимпиада ойындарында медаль саны бойынша өз рекордын орнатты

Франция астанасы Париж қаласында өтіп жатқан паралимпиада ойындарында Қазақстан құрамасы 9 медаль жеңіп алды. Бүгін жарыстың соңғы күні. Бұл туралы Stan.kz ақпарат агенттігі хабарлайды.

Фото: Туризм және спорт министрлігі

Париждегі дүбірлі додада қазақстандық спортшылар медаль саны бойынша өз рекордын жаңартты. Бұған дейін паралимпиадашылар жазғы не қысқы ойындарда 1 алтыннан артық ұтпаған. 

Паралимпиада спортшылары жеңген 9 жүлденің екеуі алтын, үш күміс, 4 қола медаль бар.

Алтын медаль жеңгендер: 

Давид Дегтярев – пара пауэрлифтинг;

Ақмарал Науатбек – пара дзюдо.

Күміс медаль жеңгендер:

Еркін Ғаббасов – пара нысана көздеу;

Нұрдәулет Жұмағали – пара жүзу;

Ерғали Шамей – пара дзюдо;

Қола медаль жеңгендер:

Даяна Федосова – пара дзюдо;

Дастан Мұқашбеков – пара жеңіл атлетика;

Зарина Раифова – пара дзюдо;

Жұрқамырза Шүкірбеков – пара дзюдо.