Соңғы жаңалықтар
Соңғы жаңалықтар

Қазақ тілінде ақпарат беруге міндетті: Сенатор Оғыз Доғанды жақтады

Бірғаным Әйтімова барлық мекеме клиенттерге мемлекеттік тілде ақпарат беруге міндетті екенін айтты.

Қазақстан парламенті сенатының депутаты Бірғаным Әйтімова Qazkom банкінің Астана қаласындағы филиалының қызметкерлері Оғыз Доғанға қазақ тілінде қызмет көрсетуден бас тартуына қатысты пікір білдірді, деп хабарлайды Sputnik. 

Сенатор барлық салада мемлекеттік тілде қызмет көрсете алатын қызметкерлер болуы тиіс екенін атап өтті.

“Мен банкке барғанда қай тілде сөйлесем, сол тілде жауап аламын. Мұнда еш қиындық жоқ. Дегенмен, саңға сәйкес, барлық салада клиенттерге мемлекеттік тілде ақпарат беруге міндетті. Заң бәріне ортақ. Адамның ішкі мәдениеті қалыпты, эмоцияға салынбай сұрақ қойып, сол кейіпте жауабын талап ете алатындай болуы тиіс. Ал банк басшылығы мемлекеттік тілде қызмет көрсете алатын қызметкерлердің міндетті түрде болуын қадағалауы керек”, — деді Бірғаным Әйтімова.

Айта кетейік, Оғыз Доған қазақ тілінде қызмет көрсетуден бас тартқан Qazkom банкінің қызметкерлерін видеоға түсіріп, желіге жүктеген болатын. Ол банк кешірім сұрмаса,  “Эйр Астана” сияқты оларды да сотқа беретінін мәлімдеді.

Тағы оқыңыз: 

ШҚО-да сәбиін босанып лақтырып жіберген мұғалімге қатысты жаңа деректер

Ақтөбеде жалғызбасты әке бұрынғы әйелін ата-ана құқығынан айырып, алимент өндіріп алмақшы

Сағадиев Шымкентте босанған 7-сынып оқушысына қатысты пікір білдірді

Астана медицина университетіндегі дау: Оқудан шығарылған студенттер не дейді

Талқылау