Қайтарылған активтерді басқару компаниясы аукционда Алматыдағы бизнес орталықты 6,3 млрд теңгеге сатты
Электронды сауда алаңында қайтарылған активтерді басқаратын компанияның Алматыдағы бизнес орталықты аукцион арқылы 6,3 миллиард теңгеге сатқаны туралы ақпарат тарады. Бұл туралы Stan.kz ақпарат агенттігі хабарлайды.
Фото: Электрондық сауда алаңы
Аукцион 24 қазан күні өткен. Құрылысы аяқталмаған “Орион” бизнес орталығы бар 0,6 гектар жер телімі 6 278 384 321 теңгеге сатылды.
Нысан Алматыдағы Жамақаев көшесінде орналасқан.
Қазақстандағы қайтарылған активтерді басқаратын компания мемлекетке қайтарылған немесе сот процесінде тыйым салынған активтерді басқарумен және сатумен айналысады. Мысалы, сыбайлас жемқорлыққа немесе алаяқтыққа байланысты қылмыстық істердің нәтижесінде азаматтардың мүлкі тәркіленуі мүмкін.
Бұған дейін 2023 жылы 26 қыркүйекте елімізде қайтарылған активтерді басқаратын компания құрылғаны туралы жазған едік.
"Үйді тіреп тұрған жерге құрылыс бастады": Алматыдағы "Три богатыря" тұрғындары баспаналары құлап қала ма деп алаңдаулы
Әкімдік құрылыс жұмыстарын уақытша тоқтатты
"Өлім аузынан қалдық": Түркістан облысында су басқан ауыл тұрғындары мал-мүлкінің көз алдында ағып кеткенін айтты
Бұл жолы нөсер небәрі жарты сағатқа ұласқан. Соның өзінде топан су қора-қопсыны қиратып, үй қоршауының түгін қалдырмай құлатып тастаған