Соңғы жаңалықтар
Соңғы жаңалықтар

Қайрат Нұртас жаңа фильмінде жұрттан жасырған құпиясын ашпақ

Әнші “Қайраттың құпиясы” атты фильмнің түсірілім жұмыстарына дайындалып жатыр. Ол аталған туындыда жұрттан жасырған құпиясын ашатынын жеткізді.

1437934484gtkwz

Фото: comode.kz

Бұл туралы Астана арнасының “Ел аузында” бағдарламасында айтылды.

Бүгінде еліміздің елеулі әншісіне айналып үлгерген Қайрат Нұртасты біреулер сынайды, енді біреулер ол үшін жылайды. Десе де, жігерлі жігіт сыннан сабақ алған сыңайлы. Бір минутын да бос өткізбей өнер иесі тағы да кино түсіріп жатыр. Алайда бұл жолы фильм бұрынғысынан өзгеше болмақ.

“Қайраттың құпиясы” деген жеке өзімнің фильміме дайындық үстіндеміз. Бұл жерде менің өзімнің құпиямды халыққа ашуды жөн көріп отырмын. Бар болғаны осы. Менде актер болып кетемін деген ой жоқ. Мен әрдайым әнші болып қала беремін”, – дейді Қайрат Нұртас.

Соңғы уақытта Қайрат мырза жүрегіндегі жарасын әнмен емес, кино арқылы көрсетуді әдетке айналдырған сыңайлы. Бұл туынды кей көрермен үшін голливудтық туындыдан асып түспек. Себебі, туындыда әншінің жеке өмірі туралы баяндалуы мүмкін. “Фильмнің не туралы болатынын әзірге айта алмаймын. Өйткені, көрерменге қызық болмай қалуы мүмкін. Әзірге құпия болып қала берсін. Қазан айында, Алла қаласа, фильмнің түсірілім жұмыстарына кірісеміз”, – дейді әнші.

Естеріңізге сала кетсек, бірнеше ай бұрын Сиви Махмұди Қайрат Нұртастың бұл фильміне әйелі мен оның төрт баласының түсетінін айтып қалған-ды. Десе де, Қайрат Нұртас бұл ақпаратты растаудан бас тартты.


Жіберіп алмаңыз:

Оралдағы Қайрат Нұртастың концертінде қыздар төбелес шығарды (фото, видео)

Қайрат Нұртастың бейнебаянына түскен жігіт Айсұлу Әзімбаеваға сезімін білдірді

Меруерт Түсіпбаева: Қайрат Нұртас киімін тегін берсе де кимеймін (видео)

Қайрат Нұртас пиджагын көрерменге сыйлады (видео)

Талқылау