Қаңтарда адамдарды азаптады деген күдікпен 9 құқық қорғау қызметкері қамауға алынды
Қаңтар оқиғасынан кейін азаптау фактілері бойынша 15 қызметкер күдікке ілінді. Қазір соның ішінде 9 қызметкер қамауда отыр. Бұл туралы бас прокурор орынбасары Әсет Шындалиев мәлімдеді, деп хабарлайды Stan.kz ақпарат агенттігі.
Шындалиевтің айтуынша, қаңтар оқиғасы кезінде 232 адам көз жұмған. Ал тағы 6 адам түрмедегі азаптаулардан кейін қаза болды.
"Қазіргі таңда азаптау бойынша 15 адам күдікті деп танылды. Соның ішінде тоғызы қамауда отыр. Олардың сегізі – ұлттық қауіпсіздік комитетінен, біреуі полициядан", – деді Шындалиев мәжіліс кулуарында.
Қалғандары бостандықта, оларға ел аумағынан шығуға тыйым салынған. Әсет Шындалиев тергеу әлі жүріп жатқанын айтты.
Қазақстандық ер адам үйлену тойының орнына екі әпкесіне үй, қарындасына көлік сыйлады (видео)
Астанада тұратын үлкен әпкесіне екі бөлмелі пәтер, екінші әпкесіне Ақтөбеден үй сыйлады
Қазақстанда кінәсіз сотталып, кейін ақталған жағдайда не болады: Заңгер мұндай кезде кімнің жауапқа тартылатынын түсіндірді
Заңсыз қамауда болған қазақстандықтар мемлекеттен өтемақы талап ете алады