AAPL
138.93 $
1.62 %
TSLA
681.79 $
1.24 %
NDAQ
155.59 $
2 %
GOOGL
2174.75 $
-0.21 %
FRHC
44.39 $
0.09 %
AAPL
138.93 $
1.62 %
TSLA
681.79 $
1.24 %
NDAQ
155.59 $
2 %
GOOGL
2174.75 $
-0.21 %
FRHC
44.39 $
0.09 %
Соңғы жаңалықтар
Соңғы жаңалықтар

"Илон Масктың интернеті" Қазақстанға 2023 жылдың соңына қарай келеді – Бағдат Мусин

2023 жылы OneWeb, SpaceX және SES компаниялары Қазақстан нарығына спутник интернетін әкелуге мүмкіндік алады. Бұл жайында ҚР Цифрлық даму, инновациялар жəне аэроғарыш өнеркəсібі министрі Бағдат Мусин Мәжілістің баспасөз алаңында БАҚ өкілдерінің сауалдарына берген жауабында мәлімдеді, деп хабарлайды Stan.kz ақпарат агенттігі. 

спейс х

Министрдің айтуынша, ол үшін әуелі Салық кодексіне тиісті өзгеріс енгізу қажет.   

"Мұны біз төмен орбиталы спутник топтары деп атаймыз. Осы технологияға қаржы құйып отырған бірнеше компания бар. Соның бірі – OneWeb компаниясы. Бұл ұйыммен пилоттық жобаны пысықтап жатырмыз. Сіз "Илон Масктің интернеті" деп отырған SpaceX компаниясының Starlink жобасы да бар. Сондай-ақ, SES деген Люксембург компаниясы осы технология бойынша интернет ұсына алады. Осы сияқты басқа да компаниялар бар. Олар да бұл нарыққа кіргісі келеді. Бұл мәселеде біз монополиядан аулақ болғымыз келеді. Яғни Қазақстанның нарығын бірнеше операторға ашамыз", – деді Бағдат Мусин.

Министр қазіргі уақытта қызметтің мұндай түрі үшін салық мөлшерлемесі өте жоғары болғандықтан, инфрақұрылымның салынбағанын мәлімдеді. Сонымен қатар үш оператор норманың қабылдануы күтіп отырған көірнеді. 

"Салық кодексіне тиісті өзгерісті енгізсек, келесі жылдан бастап бұл операторлар нарығымызға кіріп, Қазақстанның 4 нүктесінде инфрақұрылым орната бастайды. Олар біздің елдің аумағында жұмыс істеуі үшін жер үстінде инфрақұрылым орнатылуы керек. Бірақ бұл бүкіл елге оптика тартылады деген сөз емес. Төрт базалық нүкте болады. Солар спутниктен интернет таратады", – деп түсіндірді ведомство басшысы. 

Сондай-ақ, Бағдат Мусин бұған дейін мұндай технологияның өніміне салық мөлшерлемесі белгіленбегенін айтты. Егер ол мөлшерлеме нақты бекітілмесе, аталған шетелдік компаниялар нарыққа келмеуі мүмкін. 

"Біз салық мөлшерлемесін енгізбесек, олар келмейді, келген күннің өзінде салық төлемейді. Сондықтан бизнестің жаңа түрі салық әкеліп, халыққа қызмет көрсетуі үшін жағдай жасаймыз. Аталған үш оператордың екеуі тестілеу режимінен өтті. Ал Starlink операторын тестілеудің қажеті жоқ. Өйткені әлемнің бірқатар аймағында өз технологиясын таратып отыр. Біз ол компанияға заңнамаға өзгеріс енгізген соң ақпарат береміз деп келіскенбіз. Содан кейін олар Қазақстан нарығына кіру жұмысын бастайды. Егер биыл депутаттар осы өзгерістерді қабылдаса, келесі жылы инфрақұрылым жүргізу басталады. Сонда келесі жылдың аяғына дейін халыққа спутник интернеті беріледі", – деді министр.

Талқылау
Пікір
Қазір оқып жатыр
Қазір оқып жатыр