Германия канцлері Шольцты Астанада қалай қарсы алды (видео)
Ақордада Германия канцлері Олаф Шольцты ресми қарсы алу рәсімі өтті. Бұл туралы Stan.kz ақпарат агенттігі хабарлайды.
Фото: Президент телерадиокешені
Jibek Joly телеарнасы кездесуді тікелей эфирде көрсетті. 16 қыркүйекте Қазақстанға ресми сапармен Германия Федералды Канцлері Олаф Шольц келді. Оны Астана әуежайында премьер-министр Олжас Бектенов күтіп алды.
Фото: Премьер-министрдің баспасөз қызметі
Шольц Астанаға Airbus A350 "Курт Шумахер" (соғыстан кейінгі Германиядағы социал-демократиялық партияның бірінші төрағасының атымен аталған) ұшағымен келді.
Еске салайық, бұған дейін Шольцтың Астанаға сапары аясында жоғары деңгейдегі келіссөздер, сондай-ақ "Орталық Азия + Германия" форматында саммит өтетіні, соның аясында стратегиялық ынтымақтастық мәселелері талқыланады. Сауда-экономикалық өзара іс-қимыл және бірлескен инвестициялық жобаларды жүзеге асыруды қоса алғанда, кең ауқымды салалардағы серіктестік туралы айтылады.