Геннадий Головкин Халықаралық бокс даңқ залына ұсынылды
Фото: Getty Images Sport
Қазақстандық танымал боксшы, орта салмақтағы бұрынғы әлем чемпионы Геннадий Головкин Халықаралық бокс даңқ залының (IBHOF) үміткерлер қатарына енді. Бұл туралы Stan.kz ақпарат агенттігі хабарлайды.
Ұйым алдағы 2026 жылғы тізімге дауыс беру үшін арнайы бюллетеньдер таратқан. Сол арқылы әлемнің беделді спорт журналистері мен бокс тарихшылары өз таңдауларын жасайды.
Ерлер арасындағы үміткерлердің ішінде алғаш рет Геннадий Головкин, екі салмақта чемпион болған америкалық Вернон Форрест және ирландиялық бокс аңызы Стив Коллинз бар. Әйелдер санатында жапондық бес дүркін чемпион Наоко Фудзёка, неміс боксшысы Кристина Хаммер және мексикалық Жэки Нава ұсынылған.
Қорытынды нәтиже желтоқсан айында белгілі болады. Дәстүр бойынша дәл сол кезде Халықаралық бокс даңқ залына енгізілетін жаңа есімдер жария етіледі.
"Әскерден келген соң үйленеміз деп еді": Каспийде қаза тапқан сарбаздардың жақындары жанайқайын жеткізді
Жанардың айтуынша, отбасы Олжасты қуанышпен күтіп отырған
"Алдымен үйленейік, кейін Сирияға барайық": Бейтаныс адамдар әлеуметтік желі арқылы қазақстандықтарды қалай арбайды
Әлеуметтік желіде ер адамға Сирияға барып соғысуды ұсынған