Газа секторындағы ауруханаға жасалған соққыға Израильдің қатысы жоқ – Джо Байден
АҚШ президенті Джо Байден Газа секторындағы ауруханаға жасалған соққыға Израильдің қатысы жоқ деп мәлімдеді. Бұл туралы Stan.kz ақпарат агенттігі The Associated Press сайтына сілтеме жасап хабарлайды.
Израильге сапары кезінде Джо Байден АҚШ Израиль билігін қолдайтынын айтты.
АҚШ президенті ауруханаға соққы берген Израиль емес, екінші тарап деді. Алайда неге мұндай қорытынды шығарғанын нақтылаған жоқ. Бұл ұстанымды Израильдің Қазақстандағы елшілігі де ресми түрде білдірді.
Байден ХАМАС қозғалысы Палестина халқының мүдделерін білдірмейтінін және бейбіт тұрғындарға тек азап әкелгенін атап өтті. Сонымен бірге АҚШ президенті мұны "өркениет күштері мен варварлық күштер" арасындағы қақтығыс деп атады.
"Өркениетті әлем ХАМАСТЫ жеңу үшін бірігуі керек", – деді Джо Байден.
Джо Байден Израильге барғаннан кейін араб елдерінің басшыларымен кездесу үшін Иорданияға баруды жоспарлады, бірақ ауруханадағы жағдайдан соң саммит тоқтатылды.
Қазақстандық әйел топтық зорлаудан кейін 17 жасында бала туған: Ол америкалық ата-ана асырап алған қызын іздеп жүр
Кезінде топтық зорлыққа ұшыраған Наталья Қалымбетова 30 жылдан кейін жан сырын ақтарды
Қазақстандыққа Қытайда адам өліміне кінәлі деген айып тағылды: Күдіктінің өзі шабуыл жасағандардан қорғанғанын айтып отыр
Отбасы: "Қазақ қызының намысын қорғау үшін басталған оқиға адам өлімімен аяқталып отыр"