Филиппиндік көлікті жағармайдың орнына сумен жүргізуді ойлап тапты
Филипиндік өнертапқыш Дазо Ноли өзінің қасиеттері арқасында “сиқыршы-өнертапқыш” деген атқа ие болған.
Бұл туралы nz1.ru хабарлайды.
Филиппиндік азамат тек өз еліне ғана емес, өзге елдерге де пайдасын тигізетін дүние құрастырды. Дазо автомобиль қозғалтқышын басқаруда бензин мен дизель отынының орнына суды пайдалануға мүмкіндік беретін құрылғыны ойлап тапқан. Бұл мотоцикл немесе басқа да транспорт түрлеріне жарай береді екен.
Оның бұл өнертабысы соңғы кездері бағасы қымбаттап кеткен мұнай отынының орнын алмастыратын балама ретінде қарастырылып жатыр. Дазо құрылғысының шынайы мүмкіндіктері шексіз. Егер ер адамның бұл өнертабысын ірі инвесторлар қолдайтын болса, тіптен тарихи құрылғыға айналуы мүмкін.
Дазо Невада штатында техника және информатика мамандығы бойынша университет бітіріп шыққан. Ол өзінің ойлап тапқан құрылғысы Филиппинде оң көзқарасқа ие болады деп үміттенеді.