Еуроодақ Украинаға "Ресейдің кибершабуылдарына" тойтарыс беруге көмектеседі
Еуроодақ Украинаға көмек көрсету үшін Киберкеңістікте жылдам әрекет ету күштерін (CRRT) пайдаланбақ. Жақында құрылған топта 8-12 сарапшы болмақ, деп хабарлайды Stan.kz ақпарат агенттігі Defense News басылымына сілтеме жасап.
"Украинаның сұранысынан кейін Литва, Нидерланды, Польша, Эстония, Румыния және Хорватия Киберкеңістікте жылдам әрекет ету күштерін украиналық институттарға төнген киберқауіппен күресуде көмектесу үшін пайдаланады", – деді Литваның қорғаныс министрінің орынбасары Маргирис Абукевичюс.
CRRT 2019 жылы Еуроодақтың мемлекеттердің қауіпсіздігі мен серіктестігін нығайту бойынша бастамасы негізінде құрылған.
Абукевичюстің сөзінше, CRRT қатысушылары осы аптада белсенділік сұрақтарын талқыламақ. Дегенмен ІТ-қорғанысы бойынша нақты қандай мамандардың жұмыс істейтіні әлі жария етілмеген. Сонымен қатар ол киберкеңістікте жылдам әрекет ету күштерінің Украинада орналасуы мүмкін екенін қосып өтті.
"Өзімізді дәлелдедік": Олимпиадада жүлделі орын алған таэквондошылар Қазақстанға оралды
Спортшыларымыз жай келмей, жүлделі орындармен оралды
Қазақстандық әйел жалға алушыны пәтерінен шығара алмай, сотқа берген: Алайда сот қараудан бас тартты
Пәтер иесі: "Жалдау шартын бұзылған деп тану және жалға алушыны пәтерден шығаруды міндеттеу талабым "кәмелетке толмағандардың істері жөніндегі сотқа жүгіну керек" деген негізбен бас тартылды"