"Есесіне тегін": Астанадағы Ботаникалық бақта суға шомылып жүрген екі ер адам полиция назарына ілікті (видео)
Желіде елордадағы Ботаника бағында суға шомылып жүрген екі ер адамның видеосы тарады. Полиция бұл факт бойынша тексеру жүргізіліп жатқанын мәлімдеді. Бұл туралы Stan.kz ақпарат агенттігі хабарлайды.
Екі ер адамның Ботаникалық бақтағы су қоймасына шомылып жатқан сәтін куәгерлер видеоға түсіріп алған.
Желі қолданушылары екі ер адамның әрекетін қолдап, пікір білдірген.
"Шомыла берсін. Өз өмірлеріңді сүріңдер", "Рахаттанып шомылып жүр", "Ондағы су тұрып қалған су сияқты еді, ауырып қалмаған болар", "Жарайсыңдар, шомыла берсін, бұл қалада әйтеуір бір адам бақытты екен", "Есесіне тегін", "Өмірдің рахатын көріп жүр", "Бір салқындап алды, мұнда тұрған не бар?".
Алайда елордалық полицейлер ер адамдарға заңнама аясында шара қолданылатынын атап өтті.
"Бұл оқиға бойынша тергеу жүріп жатыр. Оның қорытындысы бойынша бұл адамдарға заңға сәйкес шара қолданылады", – деп хабарлады Есіл аудандық полиция басқармасындағылар.
Ұстазының жетекшілігімен цирк әлеміне келген қазақстандық егіз Cirque du Soleil-де өнер көрсетеді
Алексей: "Cirque du Soleil-ге өтінім жіберіп, жауабын 4 жыл күттік"
"Түрлі тағам пісіремін, өкшелі аяқкиім киіп, саяхаттаймын": Желіде боянғанын көрсеткен 90 жастағы қазақстандық әже жұртты сүйсіндірді
Күнсара әже: "10-15 күн сайын моншаға барып, көп кітап оқып, әдемі жүргенді ұнатамын”