Ерке Есмаханның Оралдағы концерті өтпей қалды
Ерке Есмахан еліміздің түкпір-түкпірін аралап, концерт беруде. Әнші алғаш рет бүкіл ел бойынша турнеге шықты. Алайда денсаулығына байланысты Еркенің Орал қаласында жоспарланған концерті өтпей қалды. Оған себеп – әншінің астан ұшынып қалуы, деп хабарлайды Stan.kz.
Әнші оралдық тыңдармандарынан кешіріп сұрап, концерттің не себепті өтпей қалғанын түсіндірді.
«Ауру деген айтпай келеді екен. Денсаулықтың қадірін сол кезде түсініп, бағалаймыз. Кеше астан ұшынып, өзім мұрттай ұштым. Оралда жоспарланған концерт аяқ асты болмай қалды. Оралдық көрерменнен басым жерге жеткенше кешірім сұраймын. Аллаға шүкір, бүгін өзімді жеңіл сезініп жатырмын, бірақ денсаулығым орташа… Мен үшін алаңдап, тілеулес болған барша ағайыныма, достарыма, сiздерге алғыс білдіремін!» – деп жазды ол. Одан кейін әнші Ақсай қаласындағы концертіне дайындалып жатқанын мәлімдеді.
«Бүгін Ақсай қаласына келіп, кешкі концертке дайындалып жатырмыз! Кездескенше, ақсайлық тыңдарман! Ал сіздер ауырмаңыздар! Ас ішерде абай болыңыздар!» – деп түйіндеді сөзін Ерке.
Желі қолданушылары сүйікті әншілерінің тезірек сауығып кетуін тіледі.
Жіберіп алмаңыз:
Аша Матай тұңғышын дүниеге әкелді
Тимати: Менің мейрамханам көп ұзамай халал болады
Қайрат Нұртас: Мені аман алып қалған Аллаға сансыз шүкір
Ерке Есмахан тыңдармандарын жаңа бейнебаянымен қуантты (видео)