Елімізде сүт өнімдерінің майлылығын көбейту үшін оларға өсімдік майын қосқан
Сүт сатып алуда абай болыңыз. Ресейлік және Беларусьтік өндірушілер сүт өнімдері өндірісінде өсімдік майын пайдаланған.
Бұл туралы Евразия арнасы хабарлайды.
Тіпті ол тауардың қаптамасындағы құрамында да көрсетілмеген. «Өсімдік майы адам ағзасына аса қатты зиян келтірмейді, алайда аллергиясы бар тұтынушыларға кері әсер етуі мүмкін» дейді мамандар.
«Кеден одағының техникалық тәртібіне сәйкестендіру мақсатында сүт өнімдерінде сүт майынан бөлек май да пайдаланылғаны белгілі болды » — ҚР Ұлттық экономика министрлігі тұтынушылардың құқығын қорғау комитетінің бас эксперті Дана Қасқатаева.
Айта кетейін, Тұтынушылардың құқығын қорғау комитеті тексеруді еліміздің барлық қалаларында жүргізді. Нормаға сай келмейтін өнімдер ірі супермаркеттерден табылған. Қазір оларды сатылымнан алып тастап, жеткізушілерге қайтаруда. Сондай-ақ, тексеріс барысында сүт өнімдерін шығаратын жасырын цехтардың жұмысы тоқтатылды.