Екінші өмір сыйлады: Үндістандық әйел қаза болған ұлының жүрегін қазақстандық қызға берді

Көкшетауда 14 жастағы Дильназға жол апатынан қайтыс болған үнді баланың жүрегі ауыстырылып салынған. Дильназдың бүгінде екі анасы бар, деп жазады Tengrinews.kz.

Дәрігерлер қыздың ата-анасына қорқынышты диагнозды кеңейтілген кардиомиопатия туралы хабарлаған кезде Дильназ Исанова үш жаста еді. Бұл ауру миокардтың жұмысын бұзады және адамды жүрек жеткіліксіздігіне әкеледі. Ата-аналар Анар мен Төлеген Исанов баланың өмірі үшін күресуге бел буды. Олар Мәскеуге аттанып, көмектесе алатын кардиологтарды іздеп кетті. Алайда олардан шығудың бір ғана жолы - жүрекке трансплантация жасау туралы айтылды, ал 2008 жылдан бастап Исановтар ота жасауға квота жинады.

Осылайша жеті жыл күтуге тура келді. 2015 жылдың жазында 10 жасар Дильназ көптен күткен квотаны алып, Үндістанға кетті.

Үнді жігіті Адит әкесі Паулсонмен бірге қатты апатқа ұшыраған. Олардың көлігі мектеп автобусымен соқтығысқан. Бала ауыр жарақаттар алды, дәрігерлер миының өлгенін атап өтті. 

Тағы оқыңыз: Арман Қуанышбаев: Қаза болған адамның жетісін, қырқын, жылын беру шариғатта жоқ >>>

Ұлының ағзаларын трансплантациялау үшін басқа науқастарға беру туралы шешімнің ауырлығы анасы Шинсидің мойнына түсті. Баланың әкесі апаттан кейін жансақтау бөлімінде болды. Шинсидің бұл шешімін бүкіл үнді отбасы, әсіресе баланың әжесі қолдады. Олар баланың өлімі бекер болмауы керек ,бірнеше адамның өмірін құтқаруы керек деп есептеді.

2015 жылдың 18 тамызында трансплантолог Комаракша Балакришнаның бақылауымен операция жасалды.

Доктор Балакришнан - балалар мен ересектерге 25 мыңнан астам операция жасаған әйгілі кардиохирург. Үндістанда жүрек пен өкпе трансплантациясының негізін қалаушы. Дильназ операциясы Балакришнанның денсаулық сақтау министрлігімен және ұлттық ғылыми кардиохирургия орталығының жетекшісі Юрий Пямен бірлескен жұмысының көмегімен мүмкін болды.

Адиттың анасының қатты күйзеліс жағдайында болды. Ол үйден шықпай, тек ғибадатхана мен ұлының қабіріне барды. 

Төрт жылдан соң Дильназбен кездескенде ол жылап жіберіп, күні бойы қыздың қолын ұстап, құшақтады. Баласының Дильназдың кеудесінде соғып тұрғанын естіді. Ол жылдар бойы алғаш рет өзін бақытты сезінгенін мойындады. 

«Мен Адиттің анасына осындай қадамы үшін өте ризамын. Оның ізгілігі қызыма өмір сүруге екінші мүмкіндік берді», - деді Дильназдің анасы Анар.