Екі көлік өртенді: Алматы облысында жанармай құю станциясында жарылыс болды
Алматы облысында жол талғамайтын көлік жанармай құю станциясында газ құйылған контейнерге соғылып, жарылыс болды. Екі адам зардап шекті, екі көлік өртенді, деп хабарлайды Stan.kz ақпарат агенттігі.
Оқиға 6 тамызда сағат 10.15-те болған. Алматы облысы Есік қаласында "Әлем Ойл" АҚҚС аумағында Land Cruiser Prado маркалы автомашинаның газ құйылған контейнерге (4 текше метр) соқтығысу салдарынан жарылыс болды. Содан кейін Hyundai Tucson және Land Cruiser Prado маркалы екі көлік жарылып, өртенді, сонымен қатар 700 шаршы метр аумақтағы құрғақ шөптер жанды.
"Термиялық күйік салдарынан 1948 жылы туған Land Cruiser Prado маркалы автокөліктің жүргізушісі ауруханаға жатқызылды, ол бірінші дәрежелі күйіктің 90 пайызын алды, жағдайы ауыр. Тағы бір зардап шегуші-1990 жылы туған жанармай құю стансасының операторы. Алғашқы медициналық көмек көрсетілгеннен кейін үйге жіберілді. Жақын маңдағы көп қабатты және жеке тұрғын үйлер зардап шеккен жоқ", - деп хабарлады Алматы облысы ТЖД баспасөз қызметі.