Димаш Құдайбергенді жүздеген қытайлық жанкүйер әуежайдан күтіп алды (видео)
Ғаламторда Димаш Құдайбергенді жанкүйерлерінің әуежайдан күтіп алды, деп хабарлайды Қазақпарат.
Бұл жолы бейнежазбаны әншінің өзі орналастырды. «Әртістің ең үлкен бақыты… Әуежайдан күтіп алу…Пекин және Чанду қалалары…», – деп жазды Димаш Инстаграмдағы өз парақшасына. Видеодан отандасымызды Қытай әуежайынан жүздеген жанкүйер күтіп алып тұрғанын көруге болады. Бұған дейін Sina Weibo әлеуметтік желісінде Димаштың қытайлық жанкүйер қыздардан қашып бара жатқан видеосы жарияланған болатын. Бейнежазба Димаштың кезекті түсірілімге барған кездегі, Шаңша қаласының әуежайында түсірілді. Онда, өзінің келуін асыға күткен жанкүйерлердің көптігінен сасқан Димаштың қаша жөнелгенін байқауға болады. Алайда фанаттары оны алысқа жібермеді. Қашып құтылмасын білген ол жылы жымиып, суретке түсуге мәжбүр болды.
ҚР Мәдениет және спорт министрі Арыстанбек Мұхамедиұлы ведомствоның алқа мәжілісінде қазақстандық әншінің әлем бойынша жанкүйерлері саны 2 млрд адамға жеткенін айтқан болатын. «Димаш Құдайберген министрліктің қолдауымен 2016 жылы «Славян базары» халықаралық конкурсына қатысып, бас жүлдені жеңіп алды. Қазіргі таңда ол Қытайдағы «Singer» кәсіби орындаушылар байқауында жоғары деңгейде өнер көрсетуде. Атап өту керек, Димаштың қатысуымен конкурстың көрсетілімі 2 млрд көрерменнен асуда. Демек, олар – Айман Мұсақожаева басқарып отырған Ұлттық өнер университеті 3 курс студентінің жанкүйерлері болып табылады. Бұл, Мемлекет басшысы атап өткендей, имидждік жобалар, яғни спорт пен мәдениет арқылы Қазақстанның жетістігін әлемге паш етуіміз керек», – деді министр. Ал ақпан айының басында Димаш Қытай жұлдыздарының рейтингінде көш бастады.
Жіберіп алмаңыз:
Димаш бесінші кезеңде орындаған әннің видеосы пайда болды (видео)
Қытай қызы: Димашпен тек Майкл Джексон теңесе алар еді (фото)
Димаш Құдайберген “Adagio” әнімен алтыншы кезеңде жеңіске жетті