Дене қызуым көтеріліп, қалтырадым: Алматылық дәрігер вакцина салдырғаннан кейінгі жағдайын айтты

COVID-19-дан 1315 алматылық медицина қызметкерлері вакцинацияланды, деп хабарлайды Stan.kz ақпарат агенттігі. 

Бұл туралы Алматы қаласында өткен брифингінде қаланың қоғамдық денсаулық сақтау басқармасының дәрігер-эпидемиологы Эльвира Ибрагимова айтты. Алматы қаласында медициналық қызметкерлерді вакцинациялау үшін СҚ Фармация 1750 дозаны жеткізді. 

Бірінші кезекте, вакцинация инфекциялық стационарлардың қызметкерлеріне, көпсалалы стационарлардың қабылдау, реанимация бөлімдерінің қызметкерлеріне, алғашқы медициналық-санитарлық көмек көрсететін жедел медициналық көмек қызметкерлеріне, сонымен қатар, санитарлық-эпидемиологиялық қызметтің қызметкерлеріне жүргізіледі.

"Медицина қызметкерлеріне бірінші кезең үшін 1750 доза вакцина алынды, сәйкесінше, екінші кезең үшін 1750 дозаның жеткізілуі күтілуде. Вакцина 2 кезең жүргізіледі, басында 0,5 мл дозада бірінші компонент, кейін 21 күннен кейін 2 компонентпен тағы да 0,5 мл енгізіледі, осылайша, вакцинаның бірінші дозасы иммундық жауапты іске қосса, екіншісі оны күшейтеді", - деп атап өтті Ибрагимова.

Оған қоса, дәрігер өзі де вакцина салдырғанын айтып, жағдайы туралы жеткізді. 

"Мен де вакцина салдырдым. Сол күні дене қызуым көтеріліп, қалтырадым. Дене қызуы бір күннен кейін басылды. Мұндай реакция кез келген вакцинадан кейін болатыны белгілі. Бұл қалыпты жағдай. Алматыда вакцина салдырған медицина қызметкерлерінің арасында ешқандай жанама әсері болған жағдай тіркелмеді. Вакцинадан кейін олардың бәріне хабарласып, жағдайы сұралады. Алматыдағы медициналық ұйымдардың деректеріне сүйенсек, әзірге қалада вакцинаның жанама әсері анықталған жағдай тіркелген жоқ", - деді Эльвира Ибрагимова.

8 ақпанда бірінші компонент вакцинасымен 1315 медицина қызметкері қамтылды. 59 жағдайда вакцинация кейінге қалдырылды және 2 адам вакцинациядан бас тартты.

2021 жылдың 21 ақпанынан қызметкерлерді екінші вакцинамен  вакцинациялау жалғасады.

Вакцинацияны жүргізу үшін әрбір ауданда егу кабинеттері мен егу бригадасы дайындалды. Иммундау барлық ережелердің қатаң сақталуымен және "суық тізбекті" сақтау арқылы жүргізіледі. Қосымша бақылау органдарымен вакцинаның орталықтандырылған сақтау қоймасына жеткізілу барысы, оның медициналық ұйымдарға тасымалдануы және вакцинаның жеткізілу процесі тексеріледі.