Дәрігер жазда ыстықтан дұрыс ұйықтай алмай жүргендерге кеңес айтты
Белгілі терапевт Ольга Бакшутова жазда түнгі уақытта қапырықтан сақтанып, дұрыс ұйықтау үшін не істеу керектігін айтты. Оның айтуынша адам өзін жақсы ұйқымен қамтамасыз етуі үшін бөлмені алдын ала салқындатуы керек. Бұл туралы Stan.kz ақпарат агенттігі Lenta.ru басылымына сілтеме жасап хабарлайды.
Дәрігердің айтуынша, жақсы ұйықтау үшін қараңғы әрі салқын бөлме қажет. Бакшутова жатын бөлмесін кондиционердің көмегімен алдын ала салқындатуға кеңес берді. Сондай-ақ, ол терезеге бөлмені күннен қорғайтын қалың перделер ілу қажеттігін жеткізді.
"Жастық пен төсек-орын қаптағышын күндіз шкафта сақтаған дұрыс. Себебі ол матрасқа жабысып, қатты қызып кетпеуі керек. Ұйқы кезінде адамның дене температурасы төмендейді. Сондықтан салқын бөлмеде жеңіл киіммен жатсаңыз тезірек ұйықтай аласыз. Жатын бөлмесі үшін ең оңтайлы температура 18+ цельсий градус" - деді терапевт.
Температураны салқындатып, бөлмені қараңғы ұстау ұйқы гормоны - мелатонин өндірісін жылдамдатады. Сондай-ақ, бөлмедегі температура ұйқының әртүрлі фазаларының ұзақтығына әсер етеді.
Мамандар шәйнектегі қақ пен су сапасының байланысын түсіндірді: Шөгінділерге алаңдамауға кеңес берілді
Тау өзендерінен алынған су тұтынушыларға жеткізілгенге дейін 10-15 сағат тазартудан өтеді
"27 рет көзіме шөп салып, бауыздамақ болды": Шымкенттік әйел бастан кешкен сұмдық оқиғасын айтты
Басын кесіп, көшеге тастамақ болған