Данияр Елеусінов чемпиондық атақты жеңген соң алдағы жоспарымен бөлісті
Қазақстандық боксшы Данияр Елеусінов Нұр-Сұлтан қаласында өткен бокс кешінде ІВО белбеуін жеңген еді. Жартылай орта салмақта өнер көрсететін спортшы чемпиондық атақты жеңген соң мәлімдеме жасап, жоспарымен бөлісті, деп хабарлайды Stan.kz ақпарат агенттігі.
30 жастағы Данияр Елеусінов кәсіби бокстағы Қазақстаннан шыққан бесінші әлем чемпионы болды. 18 желтоқсан күні өткен жекпе-жекте ол аргентиналық Хуан Эрнан Леаоны (15-2, 4 КО) төрешілер шешімімен жеңді.
"Тәуелсіздігіміздің 30 жылдық мерейтойына арналған бокс кеші өтіп кетті... Мені қолдап, жанкүйер болғандарыңыз үшін мың алғыс. Енді басқа да белбеулерді қосып алатын мақсат алда... Барша ұйымдастырушыларға Рахмет айтамын!", - деп жазды ол өз Instagram парақшасында.
Айта кетейік, аталмыш бокс кешінде Жанқош Тұраров қарсыласын 45 секундта нокаутқа түсірген болатын.
"Мінбердегі тартыс 7 сағатқа созылды": Нұрлан Оразалин Егемендік декларациясының қалай қабылданғанын айтып берді
Нұрлан Оразалин Қазақ КСР Жоғарғы Кеңесінің XII шақырылымының депутаты болған әрі осы тарихи құжатты әзірлеуге тікелей қатысқан
Республика күні мен Тәуелсіздік күні неге екі бөлек атап өтіледі
Саясаттанушы: "Көп жыл бойы "Неліктен 25 қазанның маңызын екінші орынға ысырып қоямыз?" деген мәселе көтерілді"