AAPL
137.59 $
0.17 %
TSLA
709.42 $
-0.05 %
NDAQ
143.08 $
0.7 %
GOOGL
2207.68 $
-1.35 %
FRHC
40.71 $
-0.97 %
AAPL
137.59 $
0.17 %
TSLA
709.42 $
-0.05 %
NDAQ
143.08 $
0.7 %
GOOGL
2207.68 $
-1.35 %
FRHC
40.71 $
-0.97 %
Соңғы жаңалықтар
Соңғы жаңалықтар

"Бұл адамдардың өз діні бары анық": Теологтар тәртіпсіздіктер кезінде мұражай алдында намаз оқыған радикалдар туралы айтты

Алматыдағы тәртіпсіздіктер кезінде қатысушылардың кейбірінің намаз оқығаны қазақстандықтардың түсінбеушілігі мен наразылығын тудырды. Исламды жамылып, адамдар тонау, өртеу әрекеттерін және зорлық-зомбылық жасады. Сарапшылар бұл адамдардың деструктивті радикалды ағымдарда жүруі мүмкін екенін жоққа шығармайды. Бұл туралы Stan.kz ақпарат агенттігі Информбюро жаңалықтар қызметіне сілтеме беріп хабарлайды.

видеодан скриншот

Алматының орталық мемлекеттік музейіне жақын маңда түсірілген видеода екі ер адамның асфальтқа жайғасып, намаз оқитыны көрінеді. Түрлері көрінбейді, жерде таяқтар жатыр. Бұл 5 қаңтарда кешкі 10-нан кейін болған. Яғни, қала әкімдігі мен президент резиденциясын басып алып, өртеп жіберген соң болған. Теолог Расим Челидзе видеоны қарап, олар бейбіт діни өкілдерге ұқсамайтынын айтады.

“Видеоны қарап отырып, жаңа бағыт, яғни діни ағымның жаңа "штаммы" екенін байқадым. Мен қарап шықтым, ханафизмнің элементтері, сондай-ақ ханбализмнің немесе салафизмнің элементтері де кездеседі. Сондықтан қазір осындай жаңа құбылыс бар деп сеніммен айта аламыз. Жан-жағында таяқ тастап отырған адамдарда бейбіт ниет болған жоқ, бұл адамдардың өз діні бары анық”, – дейді Расим Челидзе.

Бұл ғимараттарға шабуыл жасамас бұрын және азаматтық нысандарды қиратпас бұрын адамдардың намаз оқығаны көрінетін жалғыз кадр емес. Мысалы, ұқсас кадрды қаланың орталық алаңындағы телеарналардың жанындағы бақылау камералары түсірген. Нәтижесінде, тобыр қысым жасап, ғимаратты басып алған, оны өртеп жіберген. Алматының орталық мешітінде нағыз ислам – бейбітшілік діні дейді. Нағыз мұсылмандар зорлық-зомбылықты, тонауды, өртеуді және тәртіпсіздіктерді айыптайды.

"Ислам" сөзінің өзі бейбітшілікті білдіреді. Нағыз мұсылман басқа адамға немесе біреудің мүлкіне зиян тигізбейді. Бірақ егер адам өзін мұсылман санаса және басқа адамдардың мүлкіне қол сұғса, онда біз оны исламның шынайы жолында деп айта алмаймыз. Сондықтан, біз тәртіпсіздіктер алдында адамның намазды оқып жатқанын көріп, адам дұрыс емес жолда деп санаймын”, – дейді Алматы орталық мешітінің наиб имамы Бекзат Сыздықов.

Дінтанушы ғалымдар радикалды ағымдардың исламның дәстүрлі бағытынан айырмашылығы – деструктивті ағымдардың мүшелері өз мақсаттарына жету үшін кез келген әдісті қолдана алады дейді.

Талқылау
Пікір
Қазір оқып жатыр
Қазір оқып жатыр