Болат Назарбаев ауыр халде жатыр - БАҚ

БАҚ құралдарында Болат Назарбаевтың ауыр халде жатқан видеосы мен суреттері тарады, деп хабарлайды Stan.kz ақпарат агенттігі "Экспресс К" порталына сілтеме жасап.

Қазір Болат Назарбаев Алматыда немесе Алматы облысында болса керек. Дереккөздер тұңғыш президенттің інісіне пневмония мен тромбозбен асқынған көмей ісігі диагнозы қойылғанын хабарлады. 

Дәрігерлердің айтуынша, Болат Назарбаевтың жағдайы өте ауыр. Оған қоса науқастың қант диабеті бар, ол инсулинге тәуелді.

• Болат Назарбаев пен оның бұрынғы әйеліне қатысты рейдерлік бойынша іс қозғалды - Журналист

• Болат Назарбаевтан жапа шеккенін айтып келген кәсіпкер Әбдіғаппаров 7 жылға сотталды

Дереккөздер тұңғыш президенттің інісінің ұзақ уақыт бойы еңбекке жарамсыз болып, бұрын Германия мен Израильде ауыр емделуден өткенін растады.  Дәрігерлердің тасымалдауға тыйым салғанына қарамастан, Болат Назарбаев өткен жылдың соңында туған еліне жеткізілді. Қазір дәрігерлер оның өмірі үшін күресіп жатыр.