БҚО-да тағы бір компания жұмысшылары ереуілге шықты
Батыс Қазақстан облысының Ақсай қаласында "Isker" консорциумы" ЖШС-тің 40-қа жуық қызметкері ереуілге шықты, деп хабарлайды Stan.kz ақпарат агенттігі “Мой город” басылымына сілтеме жасап.
Isker компаниясы жұмысшылары жұмысқа шықпай, жалақыларын 50% көтеруді талап етіп ереуілге шықты.
"Бүгін, 17 қаңтар, “Іскердегі” ереуіл. Кеше Сичимдегілер ереуілге шықты. Олардың жалақысы 50%-ға көтерілді. “Іскердегілер” не дейтінін көрейік", - деді жұмысшылардың бірі.
Кейінірек Бөрілі ауданының әкімі Еркебұлан Ихсанов компания басшылығы құрылтайшылармен келіссөздер жүргізетінін және бүгін кешке жалақыны көтеру мәселесі бойынша ақпарат беретінін хабарлады. Әкім Isker компаниясында 600-ден астам жұмысшы бар екенін атап өтті.
Еске салсақ, кеше Батыс Қазақстан облысындағы KKC-Sicim мұнай компаниясының 700-ге жуық жұмысшысы осы жылдың қаңтар айынан бастап жалақыны 50% көтеруді талап еткен еді.
"Сот шешіміне дейін пәтерде тегін тұра ала ма": Үй иелері мен жалға алушылар Қазақстандағы жаңа өзгеріске байланысты нені білуі керек
Қожайындар енді екі айлық пәтер ақысын депозит ретінде бірден сұрайды
Қазақстандық оқушы ауа арқылы су тапшылығын жоюдың жолын қалай ойлап тапты: Оның өнертабысына шетел қызығуда
Ол жақында Венадағы БҰҰ штаб-пәтерінде Cleantech Days Forum 2026 форумында әлемнің үздік үш жас өнертапқышының қатарына енді