БҚО-да есепші мекемеден қаржы жымқырып, ақшаны құмар ойынға салған
БҚО-да мемлекеттік мекеменің қаражатын жымқырған есепші 3 жыл 6 ай мерзімге бас бостандығынан айырылды. Ол ұрлаған қаражатын құмар ойындарына салған. Бұл туралы Stan.kz ақпарат агенттігі хабарлайды.
Фото: Freepik.com
БҚО Қаратөбе аудандық прокуратурасының мәліметінше, есепші мекеме басшысының электрондық цифрлық қолтаңбасын заңсыз қолданып, 7 миллион теңгеге жуық қаражатты жымқырған.
Осы дерек бойынша аудан прокуратурасы Қылмыстық кодекстің 189-бабының 3-бөлігі 1-тармағымен (өзіне сеніп тапсырылған мүлікті ірі мөлшерде жымқыру және талан-таражға салу) сотқа дейінгі тергеп-тексеруді бастаған. Соттың үкіміне сәйкес ол 3 жыл 6 ай мерзімге бас бостандығынан және сол мерзімге бухгалтерлік қызметпен айналысу құқығынан айырылды”, – делінген хабарламада.
Сотталушы келтірілген шығынның 1 миллионнан астамын ғана қайтарған. Ол сот процесі кезінде жымқырған қаражатты құмар ойындарға жаратқанын айтты.
Үкім заңды күшіне енген жоқ.
"Мінбердегі тартыс 7 сағатқа созылды": Нұрлан Оразалин Егемендік декларациясының қалай қабылданғанын айтып берді
Нұрлан Оразалин Қазақ КСР Жоғарғы Кеңесінің XII шақырылымының депутаты болған әрі осы тарихи құжатты әзірлеуге тікелей қатысқан
Республика күні мен Тәуелсіздік күні неге екі бөлек атап өтіледі
Саясаттанушы: "Көп жыл бойы "Неліктен 25 қазанның маңызын екінші орынға ысырып қоямыз?" деген мәселе көтерілді"