Белгісіз біреу автобус жүргізушісін тірідей өртеп жіберді (видео)
Австралияның Брисбен қаласындағы (Куинсленд штаты) Мурука ауданында аялдамаға тоқтаған автобусқа кенеттен жүгіріп мінген белгісіз біреу жүргізушінің үстіне жанармай төгіп, өртеп жіберді.
Оқиға салдарынан жүргізуші сол жерде қаза тауып, 12 адам жараланды, деп хабарлайды News.com.au. Полицейлер қаскүнемді қолға түсірді. Тәртіп сақшыларының мәліметінше, «қаскүнем адамды себепсізден себепсіз өртеген».
Куәгерлердің айтуынша, оқыс оқиғадан салондағы әйел жолаушылар жанұшыра айқайлап, сыртқа шығу үшін есікке қарай жүгірген. Бірақ, есік жабық болғандықтан, олар терезені сындырып шығуға тырысты. Сол маңайда кетіп бара жатқан такси жүргіузшісі жетіп барып, автобустың есігін сырттан теуіп ашқан. Осы оқиғаға байланысты қала билігі Брисбенде төтенше жағдай жариялады. Полиция шабуылдың терроризмге қатысы жоқ екендігін айтса да, артынша саперлар келді, деп хабарлайды жергілікті 7 News арнасы.
"Үйді тіреп тұрған жерге құрылыс бастады": Алматыдағы "Три богатыря" тұрғындары баспаналары құлап қала ма деп алаңдаулы
Әкімдік құрылыс жұмыстарын уақытша тоқтатты
"Өлім аузынан қалдық": Түркістан облысында су басқан ауыл тұрғындары мал-мүлкінің көз алдында ағып кеткенін айтты
Бұл жолы нөсер небәрі жарты сағатқа ұласқан. Соның өзінде топан су қора-қопсыны қиратып, үй қоршауының түгін қалдырмай құлатып тастаған