Балықшыларды торға ілінген жұмбақ тіршілік иесі шошытты
Канадалық балықшыларды торға кездейсоқ түскен жұмбақ тіршілік иесі шошытты, деп хабарлайды Stan.kz ақпарат агенттігі.
Куәгерлердің бірінің айтуынша, белгісіз балық өте үлкен және үйректұмсыққа ұқсайды. Сондай-ақ, оның жүзбеқанаттары құстардың қанаттарына ұқсайды, ал үлкен мұрны "резеңкеден жасалған сияқты".
Ол тауып алған суда өмір сүретін жануарды жергілікті балық зауытына апарды, ол жерде де оның қандай тіршілік иесі екенін біле алмады. Содан кейін ол ұстаған "балығының" суреттерін жариялап, әлеуметтік желілерді пайдаланушыларға жүгінді.
Белгілі болғандай, ол мұрынды химерді ұстапты. Бұл балықтар 200 метрден астам тереңдікте өмір сүреді және өте сирек кездеседі. Сондай-ақ, ер адам оның улы екендігіне таң қалды: химердің артқы жағындағы арнайы қанаты оларды басқа жыртқыштардан қорғауға қызмет етеді екен.
Биолог Каролин Мири ғалымдардың бұл су астындағы тіршілік иелерінің тарихы мен мінез-құлқы туралы аз білетінін айтты. Сондай-ақ, ол балықшылардың жолы болғанын атап өтті, өйткені жануар судан тірі шықса, оларды улы шыбығымен жарақаттауы мүмкін.