Соңғы жаңалықтар
Соңғы жаңалықтар

Айсәуле Бақытбек: Желіде отырып алып жас келіндерді аңдитындарға сөзім жоқ

Айсәуле Бақытбек желі қолданушыларының сұрағына ашық жауап беріп, кейбір мазалаған сұрақтардың нүктесін қойды.

Айсәуле Бақытбек күйеуі екеуінің арасындағы сезімді нағыз махаббатқа балайды. Алайда мектеп қабырғасында бала махаббаты болғанын жасырмады. 

“Егер нағыз шынайы махаббатым жайлы айтар болсақ, ол – Әлішер. Оған деген сезімім – нағыз махаббат. Оны сөзбен айтып жеткізе алмаймын. Мектеп кезінде Жәнібек есімді бала ұнайтын. Онымен бір партаға отырғызса екен деп ойлайтынмын. Бізді ешқашан бір партаға отырғызған да емес. Осымен махаббат оқиғасы аяқталған”, –деп жазды Айсәуле.

Айсәуле өзінің жеке өміріне қатысты қойған сұрақтарға да жауап берді. 



“Менен бала көтере алмайсың ба?” деп сұрайтындар бар. Бала көтере аламын. Ал, егер көтере алмайтын болсам, одан рақат аласыздар ма? Біреудің жеке басына қатысты сұрақ қоярда ойлану керек. Жалпы ол үшін қылмыстық жауапкершілік барын ұмытпау керек. Небір әйелдер бар. Желіде отырып алып жас келіндерді аңдиды. Оларға сөзім жоқ”, – деді ол. 

Айсәуле өзінің жоғары оқу орнын аяқтамағанын ашық айтты. 

“Мен әйтеуір диплом алу керек деп, диплом алғым келмейді. Америкаға барып, сол жақтан оқуымды жалғастырамын. Екі курсым қалды. Мен біраз уақыттан бері жұмыс істеп, он шақты адамға жұмыс беріп отырмын”, – деп жазды ол. 

Талқылау