Өз әйелін зорлаған еркек 5 жылға шартты түрде сотталды
Құрманғазы аудандық соты өз әйеліне сексуалдық сипаттағы зорлық-зомбылық жасады деп айыпталған Дәшін ауылының 46 жастағы тұрғынына қатысты үкім шығарды.
Фото: www.vb.kg
Бұл туралы “Ақ Жайық” басылымы хабарлайды.
Ер адамның мұндай арсыз әрекеттеріне шыдай алмаған жәбірленуші әйел аудандық ІІБ-іне арызданған. Тағайындалған сараптама оның сөздерін растаған. Оның күйеуіне қатысты ҚР ҚК-нің 121-бабы 2-тармағы 4-тармақшасымен («Бірнеше рет жасалған сексуалдық сипаттағы зорлық-зомбылық әрекеттер») қылмыстық іс қозғалған болатын.
“Сот оны кінәлі деп танып, 5 жылға шартты түрде бас бостандығынан айырды”, – дейді Құрманғазы ауданы прокурорының орынбасары Магилан Рахимов. “Жаза тағайындау барысында сотталушы кінәсін толығымен мойындап, шын ниетпен өкініш білдіруі, жәбірленушінің кешірім беруі және ортақ некедегі кәмелеттік жасқа толмаған балаларының бары ескерілді.
Қазақстандық әйел топтық зорлаудан кейін 17 жасында бала туған: Ол америкалық ата-ана асырап алған қызын іздеп жүр
Кезінде топтық зорлыққа ұшыраған Наталья Қалымбетова 30 жылдан кейін жан сырын ақтарды
Қазақстандыққа Қытайда адам өліміне кінәлі деген айып тағылды: Күдіктінің өзі шабуыл жасағандардан қорғанғанын айтып отыр
Отбасы: "Қазақ қызының намысын қорғау үшін басталған оқиға адам өлімімен аяқталып отыр"