Автобус аударылып кеткен: 45 адам көз жұмған жол апатында 8 жасар қыз ғана тірі қалды
Оңтүстік Африканың Лимпопо провинциясында автобус аударылып, 45 адам қаза тапты. Бұл туралы Stan.kz ақпарат агенттігі хабарлайды.
Оңтүстік Африканың SABC агенттігінің мәліметінше, жүргізуші рөлге ие бола алмай, автобус қоршауға соғылып, шамамен 50 метр биіктіктен шатқалға құлаған. Жол апаты Мокопане мен Маркен қалаларының арасындағы Маматлакала тау асуында болды.
Автобуста болған жолаушылардың ішінде сегіз жасар қыз ғана аман қалған. Бүлдіршін ауыр жарақат алғанымен жағдайы тұрақты.
"Автобус көпірдегі қоршауға соғылғанда қыз автобустан ұшып кеткен, сол себепті аман қалды деп есептейміз", – деді Оңтүстік Африка көлік министрлігінің өкілі Солин Мсиби.
28 наурызда болған апаттан кейін құтқару операциясы басталып, жұма таңына дейін жалғасқан. Марқұмдардың мәйіттері шатқалдан шығарылды, автобус өртеніп кеткендіктен мәйіттердің тоғызын ғана анықтау мүмкін болған.
"Балам мектепке бармаймын деп жылайды": Қазақстандық әйел баласына бұралқы иттер шабуыл жасағанын айтып, шағымданды
Оксана: "Адамдардың үйінде асырап отырған мысығын, қояны мен тауығын жеп кетті"
Қазақстан соғыс ардагерлеріне басқа елдермен салыстырғанда көбірек төлейді
Төлемдер республикалық бюджет есебінен қаржыландырылады және ардагерлердің барлық санатына толық көлемде беріледі