Әуедегі ұшақта пауэрбанк өртеніп, жолаушылар зардап шекті
Фото: istockphoto.com
Оңтүстік Корея әуекомпаниясына тиесілі ұшақ бортында шамамен 11 мың метр биіктікте пауэрбанк тұтанған. Салдарынан сегіз адам зардап шекті. Бұл туралы Stan.kz ақпарат агенттігі хабарлайды.
SHOT мәліметінше, қауіпті оқиға Қытайдың Санья қаласынан Чхонджу қаласына бағыт алған Оңтүстік Кореяның T-Way әуе компаниясына тиесілі Boeing 737-8 MAX ұшағының бортында болған.
Ұшақ 10,6 мың метр биіктікке көтерілген сәтте салондағы орындықтардың бірінен түтін шыға бастаған. Ұшқын шашып жанып жатқан пауэрбанк тез арада герметикалық контейнерге салынып, әуе кемесі рейсін жалғастырған.
Жанып жатқан аккумулятордың буын жұтып қойған бес жолаушы мен үш экипаж мүшесі қатты уланған, олардың үшеуі ауруханаға жеткізілді. Ұшақ бортында барлығы 38 адам болған, оның ішінде 32 жолаушы бар.
"Үйді тіреп тұрған жерге құрылыс бастады": Алматыдағы "Три богатыря" тұрғындары баспаналары құлап қала ма деп алаңдаулы
Әкімдік құрылыс жұмыстарын уақытша тоқтатты
"Өлім аузынан қалдық": Түркістан облысында су басқан ауыл тұрғындары мал-мүлкінің көз алдында ағып кеткенін айтты
Бұл жолы нөсер небәрі жарты сағатқа ұласқан. Соның өзінде топан су қора-қопсыны қиратып, үй қоршауының түгін қалдырмай құлатып тастаған