Атырауда полицейлер Жайық өзеніне батып бара жатқан жасөспірімді құтқарды
Атырау ІІБ жергілікті полиция қызметі жол-патрульдік қызмет батальонының қызметкерлері Жайық өзеніне батып бара жатқан жасөспірімді құтқарды.
«Жайық өзені бойындағы Орталық көпір маңын торуылдап жүрген ІІБ жергілікті полиция қызметі ЖПБ «Батыс» экипажының полиция сержанты Айболат Өтешқалиев пен полиция кіші сержанты Айболат Башев Жайық өзені жағынан көмекке шақырған айғайды естиді. Полицейлер ағынмен ілесіп суға батып бара жатқан адамды көреді.
Еш ойланбастан бірден полиция сержанты Айболат Өтешқалиев суға секіріп кетті. Полицей жас жігітке жетіп, құтқарушылар қайықпен жеткенше, оны су бетінде ұстап тұрды. Олар 1999 жылы туған Махамбет кентінің тұрғыны, колледждердің бірінде оқитын студентті құтқарды», – деп хабарлады ІІД баспасөз қызметінің басшысы Гүлнәзира Мұхтарова.
"Үйді тіреп тұрған жерге құрылыс бастады": Алматыдағы "Три богатыря" тұрғындары баспаналары құлап қала ма деп алаңдаулы
Әкімдік құрылыс жұмыстарын уақытша тоқтатты
"Өлім аузынан қалдық": Түркістан облысында су басқан ауыл тұрғындары мал-мүлкінің көз алдында ағып кеткенін айтты
Бұл жолы нөсер небәрі жарты сағатқа ұласқан. Соның өзінде топан су қора-қопсыны қиратып, үй қоршауының түгін қалдырмай құлатып тастаған